Հակասություն չկա՞ ձեր խոսքում. Մի դեպքում դեմ եք եղել դեպի Անթալիա թռիչքներին, իսկ հիմա ասում եք՝ դեմ չեք դեպի Ստամբուլ թռիչքներին. լրագրողը՝ Հռիփսիմե Ստամբուլյանին
Բաժանորդագրվեք մեզ նաև
Տելեգրամում
Այսօր՝ հունվարի 19-ին, լրագրողների հետ ճեպազրույցում «Հայաստան» դաշինքի անդամ Հռիփսիմե Ստամբուլյանը կարծում է, որ Հայաստանը Երևան-Ստամբուլ թռիչքներով հող է նախապատրաստում Թուրքիան ներգրավելու այն երկրների շարքում, որոնց ընկերությունները կարող են Հայաստանում աշխատել առանց լիցենզիայի:
Լրագրողի դիտարկմանը՝ արդյոք հակասություն չկա՞ պատգամավորի խոսքում, երբ նա, ինչպես նշեց իր խոսքում, պայքարել է դեպի Անթալիա զբոսաշրջության դեմ, իսկ հիմա ասում է, որ դեմ չէ թռիչքներին դեպի Ստամբուլ, Հռիփսիմե Ստամբուլյանը պատասխանեց. «Ոչ, չկա, Անթալիան համարվում է զբոսաշրջային գոտի, հայ զբոսաշրջիկը գնում է Անթալիա հանգստանալու, իսկ Երևան-Ստամբուլ թռիչքները կարող են ուղղակի կապ ունենալ տրանզիտ երկրների համար, որը մենք այսօր կարիք ունենք, նաև բեռների փոխադրման հետ կապված. դրանք շատ տարբեր բաներ են»:
Պատգամավորի խոսքով՝ ինքը համոզված է, որ հաջորդ օրենսդրական նախաձեռնությամբ Թուրքիան ևս ներգրավվելու է այդ երկրների շարքում. «Հայ գործարարը պաշտպանված չէ, և Թուրքիան գալու է իր կապիտալով, իսկ հայ տնտեսվարողները չունեն այնքան բյուջե, և մենք կանգնելու են փաստի առաջ»:
Պատասխանելով լրագրողի հարցին, թե իրենք պատրաստվո՞ւմ են նախագծեր ներկայացնել, որպեսզի հայ տնտեսվարողը պաշտպանված լինի, պատգամավորը դրական պատասխան տվեց:
Մանրամասները՝ տեսանյութում:
