ՀՀ վարչապետի աշխատակազմի ղեկավար Արայիկ Հարությունյանը, լրագրողների հետ ճեպազրույցում հարցին, թե ինչո՞ւ կուսակցական առանցքային կերպարները, օրինակ՝ Արսեն Թորոսյանը, Արարատ Միրզոյանը չհայտնվեցին ՔՊ վարչության ղեկավար կազմի մեջ, ինչո՞վ է պայմանավորված, պատասխանեց, որ զբաղված լինելով արտաքին քաղաքականությանը առնչվող լուրջ հարցերով՝ չեն հասցրել քննարկել, վերլուծել արդյունքները․ «Իսկ ինչ վերաբերում է Արարատ Միրզոյանին, ասեմ, որ նա հրաժարվել է առաջադրել իր թեկնածությունը։ Իսկ թե ինչու, պետք է հարցնեք Արարատ Միրզոյանին»,-շարունակեց Հարությունյանը։

Մյուս թեկնածուներն էլ, Հարությունյանի խոսքով, գրեթե հավասար ձայներն են հավաքել, տարբերությունը շատ քիչ է եղել։