ԱՄՆ-ի, Եվրոպայի երկրների մի մասի և Ավստրալիայի օդանավակայաններում շարքից դուրս են եկել բոլոր սարքերը, որոնք աշխատում են Windows օպերացիոն համակարգով: Բացարձակապես բոլոր Windows համակարգիչները, որոնց վրա տեղադրված է CrowdStrike ծրագիրը, չեն աշխատում, հայտնում է Bloomberg-ը։

 Ավստրալիայի կառավարությունը արտակարգ խորհրդակցություն է հրավիրել IT աշխատանքում գլոբալ խափանումների պատճառով: Ճապոնիայում McDonald's ռեստորանների ցանցերը ողջ երկրում դադարեցնում են աշխատանքը իրենց խանութներում։

American Airlines, United Airlines և Delta Airlines ամերիկյան ավիաընկերությունները դադարեցրել են թռիչքները՝ կապի հետ կապված խնդիրների պատճառով, որ առաջացել են շարունակվող գլոբալ խափանումների հետևանքով, հայտնել է ԱՄՆ քաղավիացիայի դաշնային վարչությունը:

Իսպանիայի բոլոր օդանավակայաններում համակարգչային համակարգերի հետ կապված միջադեպ է տեղի ունեցել: Մեծ Բրիտանիայի մի քանի օդանավակայաններ նույնպես ստիպված են եղել դադարեցնել թռիչքները: Turkish Airlines-ը նույնպես դադարեցրել է թռիչքները համաշխարհային խոշոր խափանման պատճառով, գրում են արտասահմանյան լրատվամիջոցները։

Microsoft-ը հայտարարում է սերվերների վերականգնման մասին։