Ջոն Կիրակոսյանի անվան դպրոցի ձերբակալված
ուսուցչին առաջադրված մեղադրանքը չափազանց լուրջ է: Այս մասին կառավարության նիստից հետո լրագրողների հետ ճեպազրույցի ժամանակ ասաց ԿԳՄՍ նախարար Ժաննա Անդրեասյանը, նշելով, որ դպրոցում տեղի ունեցած դեպքի հետ կապված ԿԳՄՍ նախարարությունը դիմել է իրավապահ մարմիններին՝ որոշակի տեղեկատվություն ստանալու համար։
«Ինքներս էլ հասկանում ենք, որ իրականում մարդիկ գրեթե չեն խոսում նման խնդիրներից, երբեմն խոսում են, բայց մնում են չլսված։ Հետևաբար, որպես ԿԳՄՍ նախարարություն, մենք առանձնապես կարևորություն ենք տալիս, որ մեր դպրոցներում նմանատիպ բոլոր իրավիճակները առաջին հերթին կանխարգելվեն, բայց եթե դրանք կան, ապա բացահայտվեն և մինչև վերջ այդ իմաստով օրենքի տեսանկյունից անհրաժեշտ քայլերն արվեն»,- ասել է ԿԳՄՍ նախարարը:
