Թուրքիայի նախագահ Ռեջեփ Թայիփ Էրդողանի
հանդիպումը Հայաստանի, Ռուսաստանի, Ադրբեջանի և Իրանի ԱԳՆ ղեկավարների հետ տեղի
կունենա այսօր Ստամբուլում՝ լրատվամիջոցների համար փակ ռեժիմով։ Այս մասին
հայտնում է «ՌԻԱ Նովոստի»-ն՝ հղում անելով Թուրքիայի ղեկավարի գրասենյակին։
Նշվում է նաև, որ հանդիպումը կկայանա Թուրքիայի ղեկավարի նստավայրում՝ Երևանի ժամանակով 17:00-ին։
Ավելի վաղ հաղորդվել էր, որ տարածաշրջանային պլատֆորմի հանդիպման ժամանակ Թուրքիայի ԱԳ նախարարը հայտարարելու է, որ աջակցելու է Երևանի և Բաքվի միջև խաղաղության պայմանագրի ստորագրման գործընթացին։
Հավելենք, որ Վրաստանը հրաժարվել է
հանդիպմանը մասնակցությունից: Այնուամենայնիվ, ՌԴ ԱԳ նախարար Լավրովը հայտնել է,
որ «3+3»-ի դուռը բաց է մնում Վրաստանի համար:
