Հարավային Կորեայի նախագահ Յուն Սուկ Յոլը երեքշաբթի արտակարգ ռազմական դրություն է հայտարարել՝ երկրի ընդդիմությանը մեղադրելով խորհրդարանը վերահսկելու, Հյուսիսային Կորեային համակրելու և կառավարությանը հակապետական գործունեությամբ կաթվածահար անելու մեջ, հայտնում է Associated Press-ը։
Նախագահն այս քայլը չափազանց կարևոր է անվանել երկրի սահմանադրական կարգը պաշտպանելու համար։
Իսկ երկրի խորհրդարանը քվեարկել է երկրում ռազմական դրությունը չեղարկելու օգտին, հայտնել է Հարավային Կորեայի Ազգային ժողովի խոսնակը։
Երկրի սահմանադրության համաձայն՝ նախագահը պետք է չեղարկի հրամանագիրը քվեարկությունից հետո։
Կորեական հեռուստաալիքների փոխանցմամբ՝ ընդդիմադիր կուսակցությունների պատգամավորները քվեարկելու համար ցատկել են խորհրդարանի ցանկապատի վրայով։ Ներկա պահին շենքի մոտ արդեն բախումներ են ընթանում զինվորականների և ցուցարարների միջև։ Խորհրդարանի շենքն արգելափակված է։
