Իսրայելի Պաշտպանության բանակի (ՑԱԽԱԼ) տանկերը հայտնվել են Սիրիայի
մայրաքաղաք Դամասկոսի մոտ։ Այս մասին հայտնում է Al Mayadeen հեռուստաալիքը։
Թղթակիցների տեղեկություններով՝ զրահամեքենաներ են նկատվել քաղաքից ընդամենը 20 կիլոմետր հեռավորության վրա։ Հստակեցվում է, որ իսրայելցի զինվորականները գրավել են Դամասկոսից հարավ ընկած ինը գյուղ։
Նախօրեին ՑԱԽԱԼ-ը
վերահսկողություն է հաստատել Սիրիայի հետ սահմանին գտնվող բուֆերային գոտու շրջանների նկատմամբ։ Իսրայելի ղեկավարությունը զինվորականներին
հանձնարարել է «Արաբական Հանրապետությունում անհապաղ ստեղծել անվտանգության գոտի՝ զերծ ծանր ռազմավարական զենքից և ահաբեկչական
ենթակառուցվածքներից»։
Դեկտեմբերի 9-ին Սիրիայի վարչապետ Մուհամեդ Ղազի ալ-Ջալալին հայտարարել էր, որ
համաձայն է երկրում իշխանությունը փոխանցել հակակառավարական ուժերի առաջնորդներին,
որոնք տապալել էին նախագահ Բաշար ալ-Ասադին: Իսրայելի ԱԳՆ ղեկավար Գիդեոն Սաարը
դեմ է արտահայտվել, որ Սիրիայում իշխանությունն անցնի ծայրահեղականներին և
ընդդիմության ներկայացուցիչներին։
