Հարավային Կորեայի՝ գիշերը ձերբակալված պաշտպանության նախկին նախարար Կիմ Յոն Հյոնը փորձել է ինքնասպան լինել արևելյան Սեուլում գտնվող քննչական մեկուսարանում, որտեղ նա գտնվում է խռովության մեջ մեղադրվելուց հետո՝ կապված նախագահ Յուն Սոկ Յոլի՝ ռազմական դրություն մտցնելու փորձի հետ: Այս մասին «Ռենհափ» գործակալությանը հայտնել է ուղղիչ հաստատության աշխատակիցը։
Արտակարգ դեպքից հետո Կիմը տեղափոխվել է հատուկ բանտախուց, նրա վիճակը մնում է կայուն, խորհրդարանական լսումների ժամանակ օրենսդիրներին հայտնել է ուղղիչ կենտրոնի ղեկավար Շին Յոն Հեն։
«Ռենհափը» նաև հայտնել է, որ Հարավային Կորեայի ոստիկանության աշխատակիցները
սկսել են խուզարկել նախագահ Յուն Սոկ Յոլի գրասենյակը և ոստիկանական
բաժանմունքները:
Գործակալության տվյալներով՝ պետության ղեկավարը հաստատությունում չի եղել,
երբ քննիչները ժամանել են։
