ԱԺ ՔՊ խմբակցության պատգամավոր Արմեն Խաչատրյանը ֆեյսբուքյան իր էջում գրել է․
Սյունիքի մարզի Տաթև համայնքի բարձր լեռնային Սվարանց գյուղն ունի 21 աշակերտ: Խիստ անմխիթար պայմաններում սովորող, մեկը մյուսից խելացի այս աշակերտները, վստահ եմ, իրենց գիտելիքներով և ընդհանուր զարգացվածությամբ չեն զիջում մայրաքաղաքի դպրոցների աշակերտներին:
Ամենօրյա անձնվեր աշխատանքի համար պետք է երախտիքի խոսքեր ասել դպրոցի ողջ կոլեկտիվին և տնօրեն Աշխեն Աբրահամյանին:
Ներկայումս Տաթևում կառուցվում է ժամանակակից պահանջներին համապատասխան դպրոց։ Թեև կառավարությունը գյուղական համայնքներում իրականացնում է մի շարք ծրագրեր, այնուամենայնիվ անհրաժեշտ է խորապես ուսումնասիրել որոշ գյուղերի, այդ թվում՝ Սվարանցի, Տանձատափի և Տաթևի դատարկվելու պատճառները և լրացուցիչ ծրագրեր մշակել
