ԵԱՏՄ-ին
անդամակցությունն իրական օգուտներ է բերում Հայաստանին, բայց անհնար է միաժամանակ
լինել այս միության և ԵՄ անդամ։ Այս մասին լրագրողներին ասել է ՌԴ նախագահի
մամուլի քարտուղար Դմիտրի Պեսկովը։
«Հայաստանը ԵԱՏՄ
անդամ է, ընդ որում՝ ԵԱՏՄ-ին այս անդամակցությունը, իրերն
իրենց անուններով կոչելով, շատ-շատ դրական դիվիդենդներ է տալիս Հայաստանին՝ որպես պետության, ինչպես նաև այդ երկրի ժողովրդին։ Մասնավորապես,
աճի տեմպերի բարձրացումը երկրում չափվում է տոկոսներով՝ կապված ԵԱՏՄ-ին անդամակցության հետ, և այլն»,- ասել է Պեսկովը։
Նրա կարծիքով՝ առայժմ դժվար է ասել, թե ինչ է նշանակում ԵՄ-ին անդամակցելու Հայաստանի ձգտումը, պետք է տեսնել, թե ինչ «շեշտադրումներ» կլինեն հայկական կողմից:
«Իհարկե, երկու տարբեր կազմակերպությունների անդամ լինելը, հիպոթետիկ դատելով, ուղղակի անհնար է։ Այստեղ կա մեկ մաքսային տարածք, մեկ գոտի՝ ապրանքների և ծառայությունների, մարդկանց և կապիտալի տեղաշարժի համար։ Այնտեղ նորմերը տարբեր են»,-
նշել է Պեսկովը։
