Առաջիկայում կմեկնարկի  Եվրոպայի խորհրդի խորհրդարանական վեհաժողովի (ԵԽԽՎ) տարեկան նստաշրջանը։

Сivic.am-ը ԱԺ պաշտոնական կայքից տեղեկացավ, որ նստաշրջանի առաջին մասի աշխատանքներին մասնակցելու համար ԱԺ նախագահ Ալեն Սիմոնյանի կարգադրությամբ 2025 թվականի հունվարի 26-31-ը Ստրասբուրգ (Ֆրանսիայի Հանրապետություն) կգործուղվի ԵԽԽՎ-ում Ազգային ժողովի պատվիրակությունը հետևյալ կազմով՝ պատվիրակության ղեկավար, Ազգային ժողովի նախագահի տեղակալ Ռուբեն Ռուբինյան,  ԵԽԽՎ-ում Ազգային ժողովի պատվիրակության անդամներ՝ Ազգային ժողովի պետական-իրավական հարցերի մշտական հանձնաժողովի նախագահ Վլադիմիր Վարդանյան, Ազգային ժողովի պատգամավորներ Արմեն Գևորգյան, Սոնա Ղազարյան, Արուսյակ Ջուլհակյան, Արմեն Ռուստամյան, Հայկ Մամիջանյան, Հռիփսիմե Գրիգորյան։ Պատվիրակության կազմում է ներգրավված նաև պատվիրակության քարտուղար, Ազգային ժողովի աշխատակազմի արտաքին կապերի վարչության միջխորհրդարանական կապերի և եվրաինտեգրման բաժնի պետ Կարինե Շիմշիրյանը: