Վրաստանի վարչապետ Իրակլի Կոբախիձեն աշխատանքային այցով ժամանել է Ադրբեջան։

Իրակլի Կոբախիձեին օդանավակայանում դիմավորել են Ադրբեջանի փոխվարչապետ Սամիր Շարիֆովը և պաշտոնատար այլ անձինք։

Վրաստանի վարչապետի և Ադրբեջանի նախագահի հանդիպման ընթացքում կքննարկվեն բոլոր կարևոր հարցերը, որոնք անհրաժեշտ են երկու կողմերի հարաբերությունների հետագա խորացման համար։ Այս մասին Բաքվում լրագրողներին ասել է Վրաստանի արտգործնախարար Մակա Բոչորիշվիլին։

Նրա խոսքով՝ այսօր տեղի կունենա Վրաստանի և Ադրբեջանի միջև տնտեսական համագործակցության հարցերով միջկառավարական հանձնաժողովի 10-րդ նիստը, որը շատ կարևոր ձևաչափ է երկու երկրների վարչապետների ղեկավարությամբ։