ՌԴ Պետդումայի նախագահ Վյաչեսլավ Վոլոդինը ԱՄՆ նախկին նախագահ Ջո Բայդենի վարչակազմի կողմից ՌԴ նախագահ Վլադիմիր Պուտինի դեմ մահափորձի հնարավոր նախապատրաստումն անվանել է ուղիղ ճանապարհ, որը կտանի միջուկային պատերազմի մեկնարկի։

«Երեկ ամերիկացի լրագրող Թաքեր Կարլսոնը պատմել է, որ Բայդենի վարչակազմը «փորձել է սպանել Պուտինին»: Դա առաջարկել է ԱՄՆ նախկին պետքարտուղար Բլինքենը: Մահափորձի նախապատրաստումը, դրա քննարկումն ինքնին հանցագործություն է: Լուրջ սպառնալիք է համաշխարհային անվտանգությանը: Ուղղակի միջուկային պատերազմ սկսելու ուղիղ ճանապարհ»,- գրել է նա իր Telegram-ալիքում։

Վոլոդինի խոսքով՝ դա պետք է հետաքննության հիմք դառնա բոլոր միջազգային ինստիտուտների համար։ Նա նաև գրել է, որ Բայդենն ու Բլինքենը պետք է պատասխանատվության ենթարկվեն։