Ինչպես տեղեկացրել էինք՝ հունվարի 29-ի երեկոյան Վաշինգտոնում Ռոնալդ Ռեյգանի անվան օդանավակայանի մոտ վայրէջք կատարելիս օդում միմյանց են բախվել American Airlines ավիաընկերության ինքնաթիռը և ամերիկյան բանակի Black Hawk ուղղաթիռը: Բախումից հետո American Airlines-ի ինքնաթիռն ընկել է գետը: Ինքնաթիռում եղել է 64 մարդ՝ ուղևորներ ու անձնակազմի անդամներ, իսկ ուղղաթիռում՝ երեք մարդ։
Ինչպես տեղեկացնում է CBS-ն՝ հղում անելով ոստիկանությունում աղբյուրին, փրկարարները Պոտոմակ գետից դուրս են բերել առնվազն 18 մահացածների մարմիններ:
Ուղևորների պաշտոնական ցուցակը դեռ չի հրապարակվել։ Լրատվամիջոցները հայտնում են, որ ինքնաթիռում եղել են երկրի պատանեկան հավաքականի անդամներ, ինչպես նաև Ռուսաստանի հավաքականի կազմում գեղասահքի զույգերի աշխարհի չեմպիոններ, իսկ այժմ մարզիչներ Եվգենյա Շիշկովան և Վադիմ Նաումովը, հավանաբար նրանց որդին՝ Մաքսիմը, որը նույնպես գեղասահորդ է, ինչպես նաև զույգ չմուշկներով։ ԽՍՀՄ առաջնության բրոնզե մեդալակիր Իննա Վոլյանսկայան։
Ռուսաստանի դեսպանատունը հետաքննում է այս տեղեկությունը:
