Հարավային Կովկասում կայունության ապահովման առանցքային հարցերից են հայ-ադրբեջանական սահմանի սահմանազատման աշխատանքները և խաղաղության պայմանագրի կնքման նախապատրաստումը։ Այս մասին ճեպազրույցում հայտարարել է ՀԱՊԿ միացյալ շտաբի պետ, գեներալ-գնդապետ Անդրեյ Սերդյուկովը։

 «Տարածաշրջանում իրավիճակը մնում է անկայուն։ Շարունակվում է դրա կարգավորման գործընթացը, որի կենտրոնական ասպեկտը հայ-ադրբեջանական սահմանի սահմանազատման աշխատանքն է և խաղաղության պայմանագրի կնքման նախապատրաստումը»,- ասել է Սերդյուկովը։

Միաժամանակ նա նշել է, որ «տարածաշրջանում լարվածությանը նպաստում են արևմտյան երկրների՝ Հարավային Կովկասում իրենց ազդեցությունը ամրապնդելու փորձերը»։

Նրա խոսքով՝ ՆԱՏՕ-ն ավելացնում է իր ռազմական պոտենցիալը Ռուսաստանի և Բելառուսի սահմանների մոտ: