Իրանը ջանքեր է ներդնում Ադրբեջանի և Հայաստանի միջև խաղաղություն հաստատելու համար: Այս մասին հայտարարել է Իրանի արտգործնախարար Աբբաս Արաղչին Թեհրանում իր ռուս գործընկեր Սերգեյ Լավրովի հետ կայացած մամուլի ասուլիսում։

Արաղչին նշել է, որ Կովկասում տեղի ունեցող գործընթացները հետաքրքրում են Իրանին և Ռուսաստանին. «Մենք ուղիներ ենք փնտրում Կովկասում Ադրբեջանի և Հայաստանի միջև խաղաղություն հաստատելու համար։ Մեր խորհրդակցությունները Ռուսաստանի հետ բոլոր ուղղություններով շարունակվում են։ Մենք խորհրդակցություններ ենք անցկացնում Արևմտյան Ասիայի տարածաշրջանի, Կովկասի և միջազգային հարցերի շուրջ։ Այսօր տեղի են ունեցել հանգամանալից, արդյունավետ ու կառուցողական քննարկումներ, քննարկվել են բոլոր թեմաները»։