Ստամբուլի գլխավոր դատախազությունը 105 պետական ​​ծառայողների և քաղաքական ակտիվիստների կալանքի հրաման է տվել։ Ձերբակալվածների թվում է Ստամբուլի քաղաքապետ և թուրքական ընդդիմության առաջնորդ Էքրեմ Իմամօղլուն։

Ինչպես գրում են ադրբեջանական լրատվամիջոցները, հետաքննություն է սկսվել կոռուպցիայի մեղադրանքով։ Այս պահին Ստամբուլում Իմամօղլուի տանը խուզարկություններ են իրականացվում։

Թուրքիայի ոստիկանությունը բերման է ենթարկել Է. Իմամօղլուին և նրա օգնական Մուրադ Օնգունին։

Ստամբուլի քաղաքապետարանի դեմ խոշոր հակակոռուպցիոն գործողությունը առնչվում է քաղաքային մրցույթների անցկացմանը, ինչպես նաև Քրդստանի աշխատավորական կուսակցության հետ ընդդիմադիր պաշտոնյաների փոխգործակցության մանրամասների պարզաբանմանը։

Ստամբուլում կենտրոնական փողոցները, մետրոյի կայարանները փակ են։

Խնդիրներ են ծագել սոցցանցեր և մեսենջերներ մուտք գործելու հետ կապված՝ ներառյալ X, Instagram, YouTube, TikTok, Facebook և WhatsApp։ DownDetector-ի տվյալներով՝ ամբողջ երկրում գրանցվել են խափանումներ: Ստամբուլի նահանգապետարանը հայտարարության մեջ նշել է, որ «մարտի 19-ից 23-ն ընկած ժամանակահատվածում ցույցերն արգելված են»։