Դեռ ընտրությունները չմեկնարկած «Պատիվ ունեմ»-ի պատգամավոր Մարտուն Գրիգորյանը իրեն պատկերացնում է քաղաքապետի աթոռին:
Այս մասին «Ֆեյսբուք» իր էջում գրել է Գյումրու ավագանու «Քաղաքացիական պայմանագիր» խմբակցության ղեկավար Քնարիկ Հարությունյանը՝ շարունակելով.
«Բնավ չվիճարկելով վերջինիս երևակայական աշխարհում սավառնելու իրավունքը, միաժամանակ պետք է ընդգծել նրա կողմից արվող հակապետական ձևակերպումների անթույլատրելիությունը:
Գրիգորյանն ուզում է քաղաքապետ դառնալ, որպեսզի, ինչպես ինքն է ասում՝ «Գյումրին մնա հայկական»:
Պարզ է՝ ում բերանով է նման թեզեր հնչեցնում, միայն թե խոսելուց առաջ, եթե նա շրջահայաց լիներ, պետք է իմանար, որ հայկականից խոսելու իրավունք չունի: Նման իրավունքից զուրկ է բանակում չծառայած, ու ինչպես շատ գյումրեցիներ են փաստում սեփական որդիներին էլ զինծառայությունից փախցրած պատգամավորը:
Գյումրու հայկական լինելը շահարկելը Մարտուն Գրիգորյանի խղճուկ դաշինքի թերևս միակ ասելիքն է:
Հ.Գ. Ի դեպ վատ քոմենթները չեմ ջնջելու, կարող եք ձերոնց «ֆաս» հրամանը տալ»:
