Թուրքիայի տարբեր համալսարանների ուսանողները բողոքի ակցիաներ են անում՝ ի պաշտպանություն Ստամբուլի ձերբակալված ընդդիմադիր քաղաքապետ Էքրեմ Իմամօղլուի։

Գալաթասարայի համալսարանի ուսանողների երթին միացել է նաև քաղաքական գործիչ, թուրքական «Հայրենիք» կուսակցության նախագահ, 2023 թվականի նախագահական ընտրություններում նախագահի նախկին թեկնածու Մուհարեմ Ինջեն։ Ինջեն հայտնել է, որ այցելել է Էքրեմ Իմամօղլուի ընտանիքին։

Հաղորդվում է նաև, որ բախումներ են տեղի ունեցել իրավապահների և ցուցարարների միջև: