ԱԺ նախագահ Ալեն Սիմոնյանն անդրադարձել է հայ-ադրբեջանական խաղաղության համաձայնագրին: Նրա խոսքով՝ գործընթացը փակուղում չէ. «Հավանաբար, ադրբեջանական կողմի համար մի փոքր անսպասելի էր մեր առաջարկը՝ ստորագրելու և այդ տրամաբանությամբ առաջ շարժվելու մասին հայտարարությունը»,- ասել է նա:
Սիմոնյանի պնդմամբ՝ նախկինում Ադրբեջանը մարտավարություն էր որդեգրել՝ համաձայնելով որոշակի կետերի՝ գիտակցելով, որ հայկական կողմը դրանց չի համաձայնի. «Այս պայմանագրի քննարկման նպատակը արդյունքի հասնելն էր, այլ ոչ թե խոսակցությունները հավերժ շարունակելը»,- հավելել է նա:
