ԱՄՆ-ի կողմից Իրանին
դրսից հարվածելու հավանականությունը քիչ է, բայց եթե հարվածի, ապա կոշտ պատասխան
կստանա։ Այս մասին հայտարարել է Իրանի հոգևոր առաջնորդ այաթոլլա Ալի Խամենեին։
«Նրանք (ԱՄՆ-ը)
սպառնում են չարագործությամբ... Քիչ հավանական է դրսից չարագործությունը, բայց եթե
դա կատարվի, նրանք անպայման պատասխան կոշտ հարված կստանան... Իսկ եթե նրանք որոշեն
անկարգություններ հրահրել երկրի ներսում... նրանց պատասխան կտա Իրանի ժողովուրդն
ինքը»,- ասել է Խամենեին։
Ավելի վաղ ԱՄՆ նախագահ Դոնալդ Թրամփը NBC
News-ին տված հարցազրույցում սպառնացել էր «նախկինում չտեսնված ռմբակոծություն
իրականացնել», եթե ԱՄՆ-ն ու Իրանը համաձայնություն չկնքեն։ Իրանի նախագահ Մասուդ Փեզեշքիանը
հայտարարել է, որ Թեհրանը Թրամփին ուղղված պատասխան նամակում մերժել է Վաշինգտոնին
միջուկային ծրագրի շուրջ ուղիղ բանակցություններ անցկացնել, և բանակցությունների համար
բաց է միայն երրորդ երկրների միջնորդությամբ։
