Թուրքիայի արտգործնախարար Հաքան Ֆիդանը երեկ Փարիզում հանդիպել է Ֆրանսիայի արտգործնախարար Ժան-Նոել Բարոյի հետ։

Ինչպես հաղորդում է Ֆրանսիայի արտաքին գործերի նախարարությունը, հանդիպմանը քննարկվել են երկու երկրների երկկողմ հարաբերությունները և տարածաշրջանային հարցեր։

Թուրքիայի և Ֆրանսիայի ԱԳ նախարարներն ընդգծել են նաև Հայաստանի և Ադրբեջանի միջև հարաբերությունների կարգավորման կարևորությունը։ Նրանք նշել են, որ Հայաստանի և Ադրբեջանի միջև հարաբերությունների կարգավորումը Հարավային Կովկասին թույլ կտա դառնալ խաղաղության, ինտեգրման և համագործակցության տարածք՝ պայմանով, որ հարգվեն երկու պետությունների տարածքային ամբողջականությունն ու ինքնիշխանությունը։