Հայաստանի ծանրամարտի տղամարդկանց հավաքականի անդամ, 61 կգ քաշային Գառնիկ Չոլակյանը ԵԱ-ի բրոնզե մեդալին արժանացել է երկամարտի 275 կգ արդյունքով (124+151 կգ): Այս մասին հայտնում են ԿԳՄՍՆ-ից։
Երիտասարդների աշխարհի ու Եվրոպայի առաջնությունների հաղթող Գառնիկ Չոլակյանն առաջին մեդալն է նվաճում մեծահասակների Եվրոպայի առաջնությանը:
Պոկում վարժությունում Չոլակյանը հաջող է իրացրել միայն մեկ մոտեցում, գլխավերևում պահել 124 կգ կշռող ծանրաձողն ու այս ձևում արծաթե մեդալ նվաճել: Հրում վարժությունում Չոլակյանը դարձյալ մեկ հաջող մոտեցմամբ ցույց է տվել 151 կգ արդյունք և զբաղեցրել 4-րդ տեղը:
Այսօր ավելի վաղ Եվրոպայի առաջնության արծաթե մեդալակիր էր դարձել Ալեքսանդրա Գրիգորյանը (55 կգ):
