Հայաստանի արտգործնախարար Արարատ Միրզոյանը ցավակցել է Վրաստանի Ռաչայի շրջանում տեղի ունեցած աղետի կապակցությամբ։
«Խորը ցավով տեղեկացա Վրաստանի Ռաչայի շրջանում տեղի ունեցած աղետի մասին, որը մարդկային կյանքեր խլեց։ Այս ծանր պահին իմ ցավակցությունն եմ հայտնում եղբայրական վրաց ժողովրդին և իշխանություններին, իսկ զոհերի հարազատներին մաղթում եմ տոկունություն, համբերություն», - Թվիթերում գրել է Միրզոյանը։
