Նոր է, դեռ մի ամիս է՝ աշխատում է, մի ամսում չես կարող գնահատական տալ․ կաշխատի, կտեսնենք։ Այս մասին լրագրողների հետ զրույցում անդրադառնալով քաղաքապետ Վարդան Ղուկասյանին՝ նշել է Գյումրիի ընտրություններում ՔՊ ցուցակը գլխավորած Սարիկ Մինասյանը, ով այսօր ևս մասնակցել է ավագանու արտահերթ նիստին։
«Ինչպես ասում է ընկեր Ղուկասյանը, կապրենք, կտեսնենք։ Բյուջե չկա, բյուջեի նախագիծը մինչև չլինի, չենք կարող ասել՝ թերացումները շատ են, քիչ են։ Դեռ ժամանակ կա, ժամանակավրեպ է գնահատական տալը Մեր ծրագիրն է՝ մեր մանդատները ծառայեցնել գյումրեցիներին։ Խոշորացույցով հետևելու ենք կատարված աշխատանքին, իրականացվող ծրագրերին»,- նշել է Մինասյանը։
