Մենք
մեծ նշանակություն ենք տալիս այն բանին, որ շատ տարիներ վերապրած վիշտը այլևս չկրկնվի,
ինչպես նաև Հարավային Կովկասում կայունության, խաղաղության և բարգավաճման
հաստատմանը։ Ինչպես հաղորդում են ադրբեջանական լրատվամիջոցները, այս մասին լրագրողներին տված հարցազրույցում հայտարարել
է Թուրքիայի նախագահ Ռեջեփ Թայիփ Էրդողանը Ադրբեջանից վերադառնալուց հետո։
«Մենք գոհունակությամբ
ողջունում ենք Ադրբեջանի և Հայաստանի միջև ձեռնարկված քայլերը։ Խաղաղության համաձայնագրի տեքստի շուրջ համաձայնության ձեռք բերումը գնահատում ենք որպես կարևոր իրադարձություն կայունության ճանապարհին։ Ցանկանում ենք, որ այս գործընթացն ավարտվի որքան հնարավոր է շուտ։ Մենք տեսնում ենք, որ պատերազմում հաղթած Ադրբեջանը դարձել է տարածաշրջանում խաղաղության ճարտարապետը»,- նշել է նա։
