Մամուլում տարածված տեղեկությունը, ըստ որի՝ Ոստիկանության օպերատիվ աշխատակիցները զեկուցագրեր են գրել՝ «Զվարթնոց» օդանավակայանում ծառայություն չիրականացնելու համար, բացարձակապես չի համապատասխանում իրականությանը, Ոստիկանությունը իրականացրել և շարունակում է իրականացնել իր առջև դրված խնդիրները։ Հորդորում ենք չտարածել չճշտված տեղեկություններ։ Այդ մասին 1lurer.am-ին հայտնեցին ՆԳՆ հանրային հաղորդակցության և իրազեկման վարչությունից:
Նշենք՝ MediaHub-ը տեղեկություն էր տարածել, որ ՆԳՆ Ոստիկանության օպերատիվ աշխատողներից մոտ 180 հոգի երեկ զեկուցագիր է գրել, որ ծառայություն չի իրականացնի «Զվարթնոց» օդանավակայանում՝ նշելով, որ հրաժարվում է ծառայություն իրականացնել, որը կարող է դեմ լինել Հայ Առաքելական Եկեղեցուն:
