Իսրայելի գործողությունը Իրանի դեմ «հեռու է ավարտից», The Wall Street Journal-ին հայտնել է իսրայելցի բարձրաստիճան պաշտոնյան։ Նրա խոսքով՝ գործողությունը հաշվարկված է 14 օր տևողությամբ։

Ինչպես նշում է պարբերականը, սա համահունչ է վերլուծաբանների այն գնահատականին, որոնք նշել են, որ հարվածների մեկ ալիքը ի վիճակի չէ բավարար վնաս հասցնելու Իրանի միջուկային ծրագրին, և ուշադրություն են դարձրել Իսրայելի համալիր մոտեցմանը, որը միաժամանակ հարվածներ է հասցրել իրանական օբյեկտներին, հրամանատարական կետերին և զինանոցներին, որպեսզի սահմանափակեն պատասխան հարվածի հնարավորությունը։

Այն մասին, որ գործողությունը կշարունակվի, հայտարարել է նաև ՑԱԽԱԼ-ը, գրում է The Times of Israel-ը։ «Մենք գտնվում ենք ռազմավարական հնարավորությունների պատուհանում։ Մենք հասել ենք անդարձելի կետի, և այլ ընտրություն չունենք, քան հիմա գործելը»,- հայտարարել են իսրայելցի զինվորականները։