ՀՀ առողջապահության նախարար Անահիտ Ավանեսյանը մասնակցում է «Հոգեկան առողջությունը քաղաքականության բոլոր ուղղություններով. մարտահրավերների հասցեագրում և համատեղ լուծումների մշակում» խորագրով բարձր մակարդակի համաժողովին: Այդ մասին նախարարը տեղեկացրել է ֆեյսբուքյան էջում։
«Պանելային քննարկմանը ներկայացրել եմ Հայաստանի հաջողված փորձը, հոգեկան առողջության ոլորտում կոալիցիայի ստեղծման, ճգնաժամային իրավիճակներում միջգերատեսչական համագործակցության արդյունքում առաջնակի կարիքների բավարարման և ապաինստիտուցիոնալացման առումով:
Հոգեկան առողջության պահպանման ոլորտում առաջ ենք գնում.
- Ենթակառուցվածքների վերափոխում, որոնք ստեղծում են արժանապատիվ պայմանների և բուժանձնակազմի վերափոխում:
- բուժծառայությունների որակի բարելավվում . այն իր մեջ ներառում է բուժման գործելակարգերի մշակում, դեղապահովման ծավալների և ցանկերի փոփոխություն, բուժման ժամանակակից մեթոդների ներառում,
- հոգեկան առողջության նկատմամբ համալիր մոտեցման որդեգրում:
Ուրախ էի հանդիպելու Ֆրանսիայի, Լիտվայի, Մալտայի, Մոլդովայի և այլ երկրներից ժամանաց գործընկերների հետ, քննարկելով նաև երկկողմ հետաքրքրություն հանդիսացող հարցեր»,- գրել է նա։
