ՆԳՆ ոստիկանության ստորաբաժանումների ծառայողները մեկ օրում բացահայտել է 110 հանցագործություն:

Մասնավորապես՝

• տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու 22 դեպք,
• մարմնական վնասվածք պատճառելու և թմրանյութի հայտնաբերման 11 դեպք,
• 10 դեպք՝ ֆիզիկական ներգործության,
• 7 դեպք՝ խարդախության,
• 5-ական դեպք՝ հոգեկան ներգործության, անձնական ունեցվածքի գողության ու խուլիգանության,
• 4 դեպք՝ գույքը ոչնչացնելու կամ վնասելու,
• 3-ական դեպք՝ թմրանյութի իրացման ու փաստաթղթի կեղծիքի,
• 2 դեպք՝ աշխատանքի պաշտպանության կանոնները խախտելու:

Բացահայտվել են նաև՝ կողոպուտի, բնակարանային գողության, շորթման, զենք-զինամթերքի առգրավման, պետական սահմանն ապօրինի հատելու, սառը զենքի հայտնաբերման, անձի տիրապետությունից դուրս եկած գույքին տիրանալու, հրազենի ապօրինի շրջանառության ու անհետաձգելի միջամտության որոշումը չկատարելու դեպքեր։

Նախկինում կատարված հանցագործություններից բացահայտվել է՝

• անձնական ունեցվածքի գողության՝ 4,
• մարմնական վնասվածք պատճառելու՝ 2 դեպք,
• 1-ական դեպք սպանության փորձի, սեքսուալ բնույթի բռնի գործողության, գողության ու խարդախության։

Հայտնաբերվել է 6 հետախուզվող, կամավոր ներկայացել՝ 2-ը։

Հայտնաբերվել է 1 անհայտ կորած։

Գրանցվել է զենք-զինամթերքը կամավոր հանձնելու 1 դեպք։

ՃՏՊ վիճակագրություն

Անցած 1 օրում գրանցված 10 ավտովթարի հետևանքով 10 մարդ ստացել է տարբեր աստիճանի մարմնական վնասվածքներ։