Այսօր մամուլում տարածում գտած, այսպես կոչված, հեղաշրջման պլանը
պետք է անհապաղ դառնա իրավապահ մարմինների քննության առարկա։ Ցանկացած նման փորձ, հատկապես
տարածաշրջանի համար այս բարդ պայմաններում, սպառնում է Հայաստանի Հանրապետության ինքնիշխանությանը
և ազգային անվտանգությանը։ Այս մասին ասվում է Հանուն Հանրապետության կուսակցության տարածած հայտարարության մեջ։
Կուսակցությունից նշում են, որ իշխանությունը Հայաստանում կարող է ձևավորվել միայն ժողովրդի ազատ
կամարտահայտմամբ և սահմանադրական կարգով։
Հեղաշրջման ցանկացած փորձ այլ բան չէ, քան պետականության կազմաքանդում
և դավաճանություն։
Կոչ ենք անում իրավապահներին արագ և վճռականորեն պարզել նման դավաճանական
ծրագրերի հեղինակներին, կազմակերպիչներին ու ֆինանսավորողներին և պատասխանատվության
ենթարկել նրանց օրենքի ամբողջ ուժով։
