Հուլիսի 16-ին ողբերգական դեպք է տեղի ունեցել Երևանում։

Shamshyan.com-ի հաղորդմամբ՝ ժամը 07:20-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Մալաթիա-Սեբաստիայի բաժնում օպերատիվ տեղեկություններ են ստացվել, որ Կարեն Դեմիրճյանի անվան մարզահամերգային համալիրի մոտ գտնվող անտառում ծառից կախված դի կա։

Տեղում պարզվել է, որ ստացված տեղեկությունը հավաստի է։

Դեպքի վայր է ժամանել նաև ՀՀ ՆԳՆ Փրկարար ծառայության Երևանի թիվ 1 հրշեջ-փրկարարական ջոկատից 1 մարտական հաշվարկ։

Փրկարարները ծառից իջեցրել են դին և մոտեցրել դիատարին։

Իրավապահները տեղում պարզել են, որ մահացածը Երևանի բնակիչ 46-ամյա Միսակ Խ.-ն է։

Դեպքի փաստով Մալաթիայի քննչական բաժնում նախաձեռնվել է քրեական վարույթ։