Ուկրաինայի և Ռուսաստանի պատվիրակությունների միջև բանակցությունները նախատեսված են հուլիսի 23-ի երեկոյան, Ստամբուլում: Այս մասին հաղորդում է «Ուկրինֆորմ»-ը՝ հղում անելով Թուրքիայի նախագահի աշխատակազմի հաղորդակցության հարցերով վարչությանը։

Ռուսական «ՌԻԱ Նովոստի» գործակալությունը, հղում անելով «տեղեկացված թուրքական աղբյուրին», հայտնել է, որ Ռուսաստանի և Ուկրաինայի պատվիրակությունների միջև բանակցությունները սպասվում են Չիրագանի պալատում:

Ռուսական պատվիրակությունը գլխավորում է Ռուսաստանի Դաշնության նախագահի օգնական Վլադիմիր Մեդինսկին, իսկ ուկրաինական պատվիրակությունը՝ Ուկրաինայի ազգային անվտանգության և պաշտպանության խորհրդի քարտուղար, պաշտպանության նախկին նախարար Ռուստեմ Ումերովը։