Ուկրաինայի
զինված ուժերը անօդաչուների միջոցով գրոհել են Կրասնոդարի երկրամասի քաղաքները: Ազդանշաններ
են հնչում մի շարք բնակեցված վայրերում, ականատեսները հայտնում են ՀՕՊ համակարգերի
աշխատանքի մասին:
Սոչիի
օդանավակայանում ժամանակավորապես սահմանափակվել են ինքնաթիռների մուտքն ու ելքը,
Telegram-ում հայտնել է Ռոսավիացիայի ներկայացուցիչ Արտյոմ Կորենյակոն: Մինչ այդ սահմանափակումներ
էին մտցվել նաև Գելենջիկի օդանավակայանում:
Ինչպես հաղորդում
է Mash-ը, Սոչիի երկնքում խոցվել է երկու անօդաչու։ Տեղի բնակիչները պնդում են, որ
լսել են առնվազն վեց պայթյուն։
Սոչիի քաղաքապետ Անդրեյ Պրոշունինը Telegram-ում հայտնել է, որ քաղաքում
գործում է հակաօդային պաշտպանության համակարգ, և դիմել է բնակիչներին՝ խնդրելով պահպանել անվտանգության
միջոցառումները. «Եթե ապրում եք ափամերձ գծի մոտ, ոչ մի դեպքում դուրս մի եկեք,
մնացեք փակ սենյակում՝ առանց ապակիների»։
Telegram-ի
ալիքները հրապարակել են լողափերից մարդկանց տարհանման կադրեր: Բացի դրանից, դրոնների
գրոհի սպառնալիքի պատճառով փակվել է
չճանաչված Աբխազիայի հետ սահմանին գտնվող «Պսոու» սահմանային անցակետը: Սահմանափակվել են հետիոտների և տրանսպորտային անցումները:
