Պուտինի և Թրամփի
միջև օգոստոսի 15-ին Ալյասկայում կայանալիք հանդիպման ծրագիրը համաձայնեցված է,
բանակցությունների տևողությունը կախված կլինի նրանից, թե ինչպես կանցնի բանավեճը,
հայտարարել է Ռուսաստանի նախագահի օգնական Յուրի Ուշակովը։
Պուտին-Թրամփ
գագաթնաժողովի կենտրոնական թեման կլինի ուկրաինական ճգնաժամի կարգավորումը, սակայն
կշոշափվեն նաև այլ թեմաներ, լրագրողներին ասել է նա։
Հանդիպումը կսկսվի Անքորիջի
Էլմենդորֆ-Ռիչարդսոն ԱՄՆ ռազմաօդային բազայում՝ տեղի
ժամանակով ժամը 11:30-ին՝ թարգմանիչների ներկայությամբ: Նախագահները նախ կհանդիպեն
դեմ առ դեմ, ապա՝ պատվիրակությունների մասնակցությամբ:
Ընտրված վայրը
պատմականորեն կարևոր է, որը հիշեցնում է Միացյալ Նահանգների և Ռուսաստանի ռազմական
եղբայրությունը:
«Ռազմաբազայի մոտ, որտեղ կանցկացվեն Պուտինի և Թրամփի
բանակցությունները, հուղարկավորված են ինը խորհրդային օդաչուներ, որոնք զոհվել են ԱՄՆ-ից ԽՍՀՄ ինքնաթիռներ տեղափոխելիս»,- ասել է Ռուսաստանի
նախագահի օգնականը։
Պուտինի և Թրամփի բանակցությունները
պատվիրակությունների կազմով կանցկացվեն «5-ը 5-ի» բանաձևով։ Ռուսական կողմից դրանց
կմասնակցեն ինքը՝ Ուշակովը, ԱԳՆ, Պաշտպանության, Ֆինանսների նախարարությունների
ղեկավարները՝ Սերգեյ Լավրովը, Վյաչեսլավ Բելոուսովը և Անտոն Սիլուանովը, ինչպես
նաև Ռուսաստանի ուղղակի ներդրումների հիմնադրամի ղեկավար Կիրիլ Դմիտրիևը։
Ուշակովի խոսքով՝ Պուտինն ու Թրամփը
բանակցությունների արդյունքներով կանցկացնեն համատեղ մամուլի ասուլիս:
