ԱՊՀ-ն հույս ունի,
որ Վաշինգտոնում Հայաստանի և Ադրբեջանի միջև ստորագրված փաստաթղթերը կծառայեն
որպես խաղաղության համաձայնագրի հիմք։ Այս մասին հայտարարել է ԱՊՀ գլխավոր
քարտուղար Սերգեյ Լեբեդևը Համագործակցության երկրների մշտական լիազոր
ներկայացուցիչների խորհրդի հերթական նիստից առաջ։
«Ինչպես ժամանակին
մենք բոլորս Համագործակցության երկրներում գոհունակությամբ ընդունեցինք Ղրղզստանի
և Տաջիկստանի միջև միջպետական սահմանի վերաբերյալ պայմանագրի ստորագրումը, այնպես
էլ հիմա Համագործակցության երկրներում մենք մեծ գոհունակությամբ ընդունեցինք այս
համատեղ հռչակագրի ստորագրումը։ Ենթադրում ենք, որ սա տարաձայնությունների
վերջնական կարգավորման և Ադրբեջանի ու Հայաստանի միջև խաղաղության պայմանագրի ձեռք
բերման ճանապարհին փուլերից մեկն է»,-
ասել է նա։
Լեբեդևը հավելել է,
որ խաղաղության համաձայնագիրը «թույլ կտա ԱՊՀ բարձրագույն մարմինների նիստերն ավելի
լիարժեք անցկացնել այդ հանրապետությունների տարածքում»։
Նա հույս ունի, որ
այդ հանրապետությունները կկարողանան ավելի ակտիվորեն մասնակցել Համագործակցության
գործունեությանը։
