Ռուսաստանի և Իրանի նախագահներ Վլադիմիր Պուտինը և Մասուդ Փեզեշքիանը այսօր հեռախոսազրույց են ունեցել, որի ընթացքում քննարկել են Իրանի միջուկային ծրագրի շուրջ զարգացումները և Հարավային Կովկասի տարածաշրջանում տեղի ունեցող իրադարձությունները: Այս մասին հայտնել են ռուսական լրատվամիջոցները:

Պուտինը իր իրանցի գործընկերոջը տեղեկացրել է Անքորիջում կայացած ռուս-ամերիկյան գագաթնաժողովի հիմնական արդյունքների մասին: Փեզեշքիանը, իր հերթին, աջակցություն է հայտնել ռուս-ուկրաինական պատերազմի խաղաղ կարգավորմանն ուղղված դիվանագիտական ​​ջանքերին:

Բացի դրանից, նախագահները քննարկել են երկկողմ օրակարգի արդիական հարցեր։

Կողմերը պայմանավորվել են անձամբ հանդիպել Շանհայի համագործակցության կազմակերպության (ՇՀԿ) առաջիկա գագաթնաժողովին, որը տեղի կունենա Չինաստանում օգոստոսի 31-ից սեպտեմբերի 1-ը։