Օգոստոսի
24-ի երեկոյան՝ Ուկրաինայի անկախության օրը, ռուսական հեռուստաալիքներով ցուցադրվել
է տեսանյութ, որում պատկերված էին ռուսական բանակի իրական կորուստները Ուկրաինայի
դեմ պատերազմում: Այս մասին հայտնել են Ուկրաինայի պաշտպանության նախարարության
գլխավոր հետախուզական վարչությունում РБК-Ուկրաինայի աղբյուրները:
Գլխավոր
հետախուզական վարչության տվյալներով՝ տեղական կիբերպարտիզաններին հաջողվել է
կոտրել ռուսական «№ 3» փրովայդերը և միաժամանակ հեռարձակել «չարտոնված» տեսանյութը
116 հեռուստաալիքներով: Բացի դրանից, կիբերակտիվիստները արգելափակել են
ադմինիստրատորների մուտքը սերվերներ, որպեսզի դժվարացնեն հեռարձակման ընդհատումը:
Արդյունքում
Մոսկվայից և Ռուսաստանի Դաշնության այլ տարածաշրջաններից առնվազն 50.000 բաժանորդներ իրենց էկրաններին ավելի քան երեք ժամ
դիտել են ռուսական նավթավերամշակման գործարանների ոչնչացման և
զինվորականների հուղարկավորության կադրերը: Թվային հեռուստատեսություն չունեցող հեռուստադիտողների
համար հեռարձակումը հասանելի է եղել
Apple Store-ի, Google Play-ի, Smart TV-ի և
մալուխային ցանցերի միջոցով:
