2025թ. II եռամսյակում միջին ամսական անվանական աշխատավարձը հանրապետությունում կազմել է 290 446 դրամ: Այս մասին civic.am-ը տեղեկացավ Վիճակագրական կոմիտեի կողմից հրապարակված՝ «Պարենային ապահովություն և աղքատություն, 2025թ. հունվար-հունիս» տեղեկանքից։  Դիտարկվող ժամանակաշրջանում գրանցվել է միջին ամսական անվանական աշխատավարձի աճի (5.5%) միտում՝ գրանցված գնաճի (3.8%) նկատմամբ:

Հանրապետությունում աշխատուժի միջին թվաքանակը, ըստ ՎԿ-ի,  2025թ. I եռամսյակում կազմել է 1 347.6 հազ. մարդ, որոնց 86.0%-ը կամ 1 159.4 հազ. մարդ զբաղված է եղել տնտեսության մեջ, այդ թվում 13.6%-ը՝ գյուղատնտեսության ոլորտում:

Կոմիտեի կողմից 2023 թ. իրականացված աշխատուժի հետազոտության արդյունքների համաձայն՝ գործազրկության մակարդակը (հետազոտվել են 7 788 տնային տնտեսություններ) կազմել է աշխատուժի 12.4% կամ 166.7 հազ. մարդ։

Հ. Մ.