ԱԺ ՔՊ խմբակցության պատգամավոր Թագուհի Ղազարյանը ֆեյսբուքյան իր էջում գրել է. 

Ձեր խնդիրը ոչ թե պատմության դասագրքի հետ է, այլ պատմության

Քիչ առաջ կարդացի, որ Սամվել Շահրամանյանը դատի է տալու ԿԳՄՍ-ին՝ պահանջելով հերքել «Հայաստանի պատմություն» դասագրքում իր վերաբերյալ տեղ գտած զրրպարտչական տեղեկությունները։ 

Փորձեցի հասկանալ։ Փնտրեցի դասագիրքը։ 

Իսկ ի՞նչ է պարզվում․ պարզվում է՝ դասագրքի 136-րդ էջում գրված է տառացիորեն հետևյալը․ «ԼՂՀ նախագահը ստորագրեց ԼՂՀ-ն լուծարելու հրամանագիր»։ 

Ի՞նչ եք կարծում, շա՞տ բան կփոխվեր, եթե այդ հրամանագրի մասին այս մեկ նախադասությունը տեղ չգտներ դասագրքում, ո՞ւր պետք է անհետանային այն բոլոր մարդիկ, որոնք տեսել, լսել ու կարդացել են ձեր տեղեկատվական շտաբի հայտարարությունները այդ օրերին։ Ի դեպ, հետաքրքիր է նաև, թե ի՞նչ ակնկալիք ունեք դատարանից, երբ նրա առջև այս հարցն եք դնում։ 

Կարելի է փորձել փոխել և մեծ ցանկության դեպքում նույնիսկ փոխել պատմության դասագրքերը, բայց ի՞նչ եք անելու հենց իր՝ պատմության հետ։

Հղումները՝ https://hraparak.am/post/4cdfea0276697d1d2a86546e9e7f8e81

https://lib.armedu.am/article/31407