ՎԶԵԲ-ի հետ համագործակցությունն առանցքային նշանակություն ունի Հայաստանի համար. Վահե Հովհաննիսյան
Պաշտոնական
ՀՀ ֆինանսների նախարար Վահե Հովհաննիսյանը սեպտեմբերի 4-ին ընդունել է Վերակառուցման և զարգացման եվրոպական բանկի (ՎԶԵԲ) առաջին փոխնախագահ Յուրգեն Ռիգտերինկի գլխավորած պատվիրակությունը:
Ինչպես հայտնում են ֆինանսների նախարարությունից, հանդիպմանը ներկա են եղել նաև ՎԶԵԲ Արևելյան Եվրոպայի և Կովկասի կառավարիչ տնօրեն Մատտեո Պատրոնեն, ՎԶԵԲ Կովկասի տարածաշրջանային տնօրեն Ալկիս Դրակինոսը, ՎԶԵԲ Ուզբեկստանի գրասենյակի ղեկավար Կատարինա Հանսենը, ինչպես նաև ՎԶԵԲ հայաստանյան գրասենյակի ղեկավար Գեորգի Ախալկացին:
Նախարար Հովհաննիսյանը, ողջունելով հյուրերին, նշել է, որ ՎԶԵԲ-ի հետ համագործակցությունն առանցքային նշանակություն ունի Հայաստանի համար: Նախարարը հատուկ ընդգծել է ՎԶԵԲ-ի կարևոր դերը ՀՀ ենթակառուցվածքների արդիականացման գործում: Նախարարը նաև առանձնահատուկ կարևորել է առկա ծրագրերի իրականացման ընթացքին առնչվող հարցերը՝ շեշտելով նաև այդ ծրագրերի ժամանակին և պատշաճ իրականացման անհրաժեշտությունը:
ՎԶԵԲ փոխնախագահը նույնպես անդրադարձել է ընթացիկ ծրագրերին՝ համաձայնելով դրանց սահմանված ժամկետներում իրականացման անհրաժեշտության հետ: Կողմերն անդրադարձել են նաև հաջորդ տարի Երևանում անցկացվելիք ՎԶԵԲ տարեկան ժողովին՝ կարևորելով միջոցառման նախապատրաստական աշխատանքների պատշաճ ապահովումը:
Նախարար Հովհաննիսյանն ընդգծել է, որ հայկական կողմը կգործադրի բոլոր ջանքերը այդ աննախադեպ միջոցառումը բարձր մակարդակով անցկացնելու համար:
Երկուստեք պատրաստակամություն է հայտնվել մեկտեղել ջանքերը համագործակցության բոլոր ուղղություններով ցանկալի արդյունքների հասնելու համար:
Կարդացեք նաև
16 հունվար 2023, 19:30
ՀՀ ֆինանսների նախարարն ընդունել է ՎԶԵԲ պատվիրակությանը
30 նոյեմբեր 2022, 16:30
Փոխվարչապետ Մհեր Գրիգորյանն ընդունել է ՎԶԵԲ տարածաշրջանային տնօրենին
14 փետրվար 2022, 16:23
Քննարկվել են ՎԶԵԲ-ի հետ համագործակցության առանցքային ուղղությունները
8 սեպտեմբեր 2021, 15:06
ՏԿԵ նախարար Գնել Սանոսյանը ընդունել է ՎԶԵԲ տարածաշրջանային տնօրեն Կատարինա Բյորլին Հանսենին
6 սեպտեմբեր 2021, 21:24
Սուրեն Պապիկյանն ընդունել է ՎԶԵԲ տարածաշրջանային տնօրեն Կատարինա Բյորլին Հանսենին
16 հունվար 2023, 21:06
Փոխվարչապետ Գրիգորյանը և ՎԶԵԲ փոխնախագահը մտքեր են փոխանակել ՀՀ- ում ենթակառուցվածքների զարգացման հարցերի շուրջ