ԱՄՆ աջակցությամբ կդիտարկվեն հնարավորություններ քաղաքացիական միջուկային էներգետիկայի բնագավառում համագործակցության ուղղությամբ․ Սոնա Ղազարյան

ՀՀ ԱԺ ՔՊ պատգամավոր Սոնա Ղազարյանն իր ֆեյսբուքյան էջում գրել է․

«Ուժեղ Հայաստան, Կայուն տարածաշրջան»

Բարձր հանձնակատար Բորելն այսպես է ամփոփում Հայաստանին աջակցելու ԵՄ-ԱՄՆ ջանքերը: 

Հայաստանի համար կարևորագույն տնտեսական և էներգետիկ ոլորտների դիվերսիֆիկացիան, «Խաղաղության խաչմերուկ»-ին սատարումն են հստակ ուղերձները այս հանդիպման, որոնք ի թիվս համագործակցության այլ ֆորմատների տանելո՛ւ են Հայաստանը դեպի կայուն զարգացման:

Անվտանգության անբաժանելի մաս կազմող տնտեսությունը ունի դիվերսիֆիկացման կարիք, և ԵՄ աջակցությամբ ենթակառուցվածքների զարգացմամբ է հնարավոր հայ տնտեսվարողների համար նոր շուկաներ ապահովել:

ԱՄՆ աջակցությամբ կդիտարկվեն հնարավորություններ քաղաքացիական միջուկային էներգետիկայի բնագավառում համագործակցության ուղղությամբ։