«Եթե Լեռնային Ղարաբաղի հարցը լուծված է, ինչո՞ւ են ադրբեջանական զորքերը ԼՂ-ի շուրջ դիրքեր տեղադրել և ինչո՞ւ են կրակում ԼՂ-ի վրա»․ Փաշինյան
Հանրային հեռուստաընկերությանը այսօր տված հարցազրույցում վարչապետ Նիկոլ Փաշինյանը, անդրադառնալով Ադրբեջանի նախագահի պնդմանը, թե 1991 թ Ալմաթիի հռչակագրով Հայաստանը ճանաչել է Ադրբեջանի տարածքային ամբողջականությունը՝ ներառյալ Ղարաբաղը, և որ Լեռնային Ղարաբաղի հարցը լուծված է, Պրահայի և Սոչիի հանդիպումներով պատմության գիրկն է անցել, մասնավորապես ասաց․ «Եթե Լեռնային Ղարաբաղի հարցը լուծված է, ինչո՞ւ ԼՂ-ի հանրությունը չի զգում, որ լուծված է։ Եթե ԼՂ հարցը լուծված է, ինչո՞ւ են ադրբեջանական զորքերը ԼՂ-ի շուրջ դիրքեր տեղադրել և ինչո՞ւ են կրակում ԼՂ-ի վրա։ Սա շատ կարևոր հարց է, որ բովանդակային պատասխանը պետք է ոչ միայն Հայաստանը, այլև միջազգային հանրությունը ստանա։ Մենք դեմ չենք, որ ԼՂ հարցը լուծվի, մենք ասում ենք, որ այդ լուծումը պետք է տեսնեն, զգան, ընդունեն այնտեղ ապրող մարդիկ։ Ինչու են նրանք անընդհատ սպառնալիքի ներքո»։
Վարչապետի դիտարկմամբ՝ երբ ադրբեջանական կողմն ասում է՝ հայերը էնտեղ պրոբլեմ չունեն, արդյոք, օրինակ, Հադրութի ժողովուրդը ունի՞ ԼՂ-ում պրոբլեմ, թե՞ ոչ։ «Հադրութի ժողովուրդը իրենց տներում ապրո՞ւմ են, ո՞րն է ԼՂ հարցի կարգավորման ադրբեջանական տեսլականը, որ Ղարաբաղում ապրող բոլոր հայերը պետք է արժանանան այն ճակատագրին, որին արժանացել են Հադրութի՞ հայերը։ Այդ դեպքում պետք է արդարացված համարենք իմ այն արձանագրումը, որ այս ամենը ցեղասպանության նախապատրաստութուն է»,-նշեց վարչապետը։
Մանրամասները՝ տեսանյութում։
Վարչապետի դիտարկմամբ՝ երբ ադրբեջանական կողմն ասում է՝ հայերը էնտեղ պրոբլեմ չունեն, արդյոք, օրինակ, Հադրութի ժողովուրդը ունի՞ ԼՂ-ում պրոբլեմ, թե՞ ոչ։ «Հադրութի ժողովուրդը իրենց տներում ապրո՞ւմ են, ո՞րն է ԼՂ հարցի կարգավորման ադրբեջանական տեսլականը, որ Ղարաբաղում ապրող բոլոր հայերը պետք է արժանանան այն ճակատագրին, որին արժանացել են Հադրութի՞ հայերը։ Այդ դեպքում պետք է արդարացված համարենք իմ այն արձանագրումը, որ այս ամենը ցեղասպանության նախապատրաստութուն է»,-նշեց վարչապետը։
Մանրամասները՝ տեսանյութում։
Կարդացեք նաև
11 նոյեմբեր 2022, 20:54
Եթե մենք փոխադարձաբար ընդունում ենք 1991 թ-ի սահմանը, դրանով արդեն արձանագրվում է, որ Ադրբեջանը օկուպացրել է մեր տարածքը․ վարչապետը՝ Պրահայի մասին
23 օգոստոս 2021, 10:29
Հակամարտությունը կարգավորված չէ, քանի որ Լեռնային Ղարաբաղի կարգավիճակի հարցը դեռևս լուծված չէ. Լին Թրեյսի
24 օգոստոս 2021, 16:27
Բա հայրենիքի հանձնման շուրջ ինչի՞ եք 17 տարի բանակցել, բա հայրենիքը դարձնում են բանակցության առարկա՞. Փաշինյան․ Տեսանյութ
2 սեպտեմբեր 2022, 16:22
ԼՂ հակամարտությունը չի կարելի լուծված համարել, քանի դեռ չեն հասցեագրվել արցախահայության խորքային կարիքները. ՀՀ ԱԳՆ
31 հունվար 2022, 20:46
Լեռնային Ղարաբաղի կարգավիճակի հարցը լուծված չէ, և այդ գործընթացը պետք է իրականացվի ԵԱՀԿ ՄԽ համանախագահության մանդատի ներքո. Լին Թրեյսին՝ Համբարձում Մաթևոսյանին
15 դեկտեմբեր 2021, 12:28
Լեռնային Ղարաբաղի հակամարտությունը լուծված է, Ղարաբաղի կարգավիճակի մասին որևէ քննարկման կամ նման այլ բանի վերադարձ չկա. Ալիև