ՀՀ տնտեսությունն այլ պատկեր կունենար առանց հանքարդյունաբերության. նպատակաուղղված ու գործին նվիրված մարդկանց աշխատանքի արդյունքում մեր երկիրն ունի հանքահումքային արդյունաբերության կայացած համալիր. Գնել Սանոսյան

ՀՀ ՏԿԵ նախարար Գնել Սանոսյանի շնորհավորական ուղերձը` հանքագործների և մետալուրգների մասնագիտական տոնի կապակցությամբ՝

«Հարգելի՛ հանքագործներ և մետալուրգներ,

Սրտանց շնորավորում եմ Ձեզ մասնագիտական տոնի առթիվ։

Ամեն տարի հուլիսի երրորդ կիրակին նշվում է որպես Հանքագործի և մետալուրգի օր։

Շնորհիվ  հանքագործների և մետալուրգների նվիրական ու քրտնաջան աշխատանքի հանքարդյունաբերությունը շարունակում է մնալ Հայաստանի տնտեսության ռազմավարական նշանակության ճյուղերից մեկը: Շնորհիվ ձեր գիտելիքների ու պատասխանատվության, դուք ապահովում եք Հայաստանի տնտեսական անվտանգությունն ու նպաստում տնտեսության համար կարևորագույն  նշանակություն ունեցող հանքարդյունաբերության ոլորտի զարգացմանը:

Այս երկու տոների համադրումն ու փոխկապակցումը պատահական չէ, ու մեր  երկրի զարգացումն ու առաջընթացն անհնար է պատկերացնել առանց ձեզնից յուրաքանչյուրի կատարած անշահախնդիր աշխատանքի:

Հայաստանի տնտեսությունն այլ պատկեր կունենար առանց հանքարդյունաբերության, այդ իսկ պատճառով Ձեր նպատակաուղղված ու գործին նվիրված մարդկանց աշխատանքի  արդյունքում մեր երկիրն ունի հանքահումքային արդյունաբերության կայացած համալիր: Այսօր էլ ոլորտի զարգացման համար ժամանակակից տեխնոլոգիաների ներդրումն ու ընդերքի արդյունավետ կառավարման մեխանիզմներն արձանագրում են, և վստահ եմ  հետագայում էլ նույնպես կարձանագրեն հաջողություններ:

Սիրելի հանքագործներ և մետալուրգներ, Ձեզ մաղթում եմ նոր մեկնարկներ ու նվաճումներ, ինչպես նաև   նորանոր հնարավորություններ՝ ի շահ մեր հայրենիքի տնտեսական հզորացմանը»։