Ռուս խաղաղապահները Ղարաբաղում սկսել են օգտագործել ադրբեջանական տեղանունները

Հոկտեմբերի 25-ից տեղեկատվական տեղեկագրերում և տեղակայման քարտեզում  Ղարաբաղում ռուս խաղաղապահները սկսել են օգտագործել ադրբեջանական տեղանունները:

Առաջին անգամ օգտագործվել են «Ագդերա», «Խոջավենդ», «Խանքյանդի» անվանումները։ Հաղորդվում է ռուս խաղաղապահ զորախմբի հրամանատարության ու Բաքվի միջև կանոնավոր հաղորդակցության և էլեկտրաէներգիայի ու գազամատակարարման վերականգնման համատեղ միջոցառումների մասին: 

Սակայն ոչ բոլոր ադրբեջանական անվանումներն են արտացոլված քարտեզի վրա Ռուսաստանի պաշտպանության նախարարության կայքում։

Այնտեղ դեռևս նշվում են «Մարտակերտ», «Մարտունի» և մի շարք այլ հայկական անվանումներ։