Անցումային արդարադատության միջազգային կենտրոնի փորձագետները պատրաստակամություն են հայտնել նպաստել մեր երկրի արդարադատության համակարգի արդիականացմանը
Հասարակություն / Իրավունք
Սահմանադրական դատարանի նախագահ Արման Դիլանյանն այսօր ընդունել է Անցումային արդարադատության միջազգային կենտրոնի (ICTJ) տնօրենի տեղակալ, ծրագրերի ղեկավար Աննա Ռոկկատելլոյի ղեկավարած պատվիրակությանը:
Հանդիպման ընթացքում Արման Դիլանյանը կարևորել է արդարադատության ոլորտում համակարգային բարեփոխումների իրականացումը և նշել, որ Սահմանադրական դատարանը հետևողական քայլեր է իրականացնում իր ներքին ինստիտուցիոնալ բարեփոխումների ուղղությամբ: Սահմանադրական դատարանի նախագահը, մասնավորապես, անդրադարձել է իրավունքի գերակայության ապահովման, ժողովրդավարական արժեքների ու մարդու իրավունքների պաշտպանության ապահովման ուղղությամբ իրականացվող միջոցառումներին:
Միաժամանակ Արման Դիլանյանը շեշտել է արդարադատության ոլորտի միջազգային փորձագետների և փորձագիտական մասնագիտացված կազմակերպությունների հետ համագործակցության ամրապնդման անհրաժեշտությունն ու լավագույն փորձի փոխանակումը:
Անցումային արդարադատության միջազգային կենտրոնի փորձագետները Բարձր դատարանի նախագահին են ներկայացրել իրենց կազմակերպության կողմից արդարադատության ոլորտում իրականացված բարեփոխումների փորձը, իրենց դիտարկումները Հայաստանում իրականացվող դատաիրավական բարեփոխումների և իրավունքի գերակայության ոլորտում ընթացող միջոցառումների վերաբերյալ:
Աննա Ռոկկատելլոն ողջունել է Սահմանադրական դատարանի կողմից նախաձեռնած բարեփոխումները:
Փորձագետները պատրաստակամություն են հայտնել համագործակցել Սահմանադրական դատարանի հետ և նպաստել մեր երկրի արդարադատության համակարգի արդիականացմանը:
Կարդացեք նաև
21 հոկտեմբեր 2022, 20:07
Արման Դիլանյանը Պատրիկ Սվենսոնին է ներկայացրել ՍԴ բարեփոխումների ընթացքը
27 հունվար 2022, 20:13
ԱՄՆ-ն հանձնառու է շարունակել Հայաստանի հետ համագործակցությունը արդարադատության և այլ ոլորտներում. Թրեյսին՝ ՍԴ նախագահին
12 մարտ 2021, 12:35
ՍԴ նախագահն ընդունել է Բրազիլիայի դեսպանին
1 նոյեմբեր 2021, 20:40
ՍԴ նախագահն ընդունել է միջազգային իրավական համագործակցության գերմանական հիմնադրամի ներկայացուցիչներին
24 հունիս 2022, 15:54
ՍԴ նախագահը Դունյա Միյատովիչի հետ զրույցում շեշտել է հայ ռազմագերիների հայրենադարձման հարցի հրատապությունը
19 սեպտեմբեր 2022, 23:00
Սահմանադրական դատարանի նախագահն ու Երևանում Եվրոպայի խորհրդի գրասենյակը քննարկել են համագործակցության եզրերը