Աշտարակում անցկացվել է «Առողջ ապրելակերպը սովորություն է» հանրային արշավը

«Առողջ ապրելակերպը սովորություն է» հանրային արշավի կանգառն Աշտարակում էր:

ՀՀ առողջապահության նախարարությունից տեղեկանում ենք՝ այն մեկնարկել է քայլերթով և շարունակվել առողջ ապրելակերպի վերաբերյալ իրազեկող արշավով՝ դպրոցականների մասնակցությամբ:

Միջոցառման մասնակիցներին ողջունել է առողջապահության նախարարի տեղակալ Արտակ Ջումայանը:

Նրա խոսքով՝ միջոցառման նպատակն է հանրության շրջանում բարձրացնել իրազեկվածությունը առողջ ապրելակերպի վերաբերյալ, խրախուսել առողջ սննդի պատրաստումը, ֆիզիկական ակտիվությունը, առողջ վարքագծի ձևավորումը։

Թեմատիկ տաղավարներում ներկայացվել են առողջարար ուտեստներ և առողջ ապրելու կանոններ:

Նախարարությունից հիշեցնում են՝ առողջ սովորություններ ձևավորելով՝ հնարավոր է նվազեցնել ոչ վարակիչ հիվանդությունների զարգացման ռիսկի գործոնները: