Պարզվել է՝ հերթական «էկոակտիվիստը» Ադրբեջանի ԶՈՒ զինծառայող է. ամերիկացի լրագրող

Պարզվել է, որ Արցախում 120 հազար հայերի շրջափակմանը մասնակցող ևս մեկ «էկոակտիվիստ» Ադրբեջանի ԶՈՒ զինծառայող է։ Այս մասին Թվիթերի իր միկրոբլոգում հայտնել է ամերիկացի լրագրողուհի Լինդսի Սնելը, որը նախկինում արդեն բացահայտել էր Լաչինի միջանցքում հումանիտար ահաբեկչության մի քանի մասնակիցների։

«Ըստ էության, դրանք ադրբեջանցի զինվորներ են, որոնք ներկայանում են որպես քաղաքացիական ցուցարարներ և «ցուցադրության» վայրում բազմաթիվ համազգեստավոր զինվորների հասցեին վանկարկում են «լավագույն զինվորը ադրբեջանցի զինվորն է», որը շրջափակել է Լաչինի միջանցքը 29 օր շարունակ, ինչի հետևանքով Լեռնային Ղարաբաղում 120.000 մարդ հայտնվել է շրջափակման մեջ»,- նշել է Սնելը՝ մեկնաբանելով շրջափակման վայրում ահաբեկիչների կողմից նկարահանված տեսանյութը։