Վրացական համարանիշը նախատեսված է Վրաստանի տարածքում մեքենա վարելու համար, Հայաստանում պետք է ունենալ հայկական համարանիշ․ Բադասյան
Տնտեսություն
Հայաստան մեքենա բերելու ու վարելու համար պետք է այն մաքսազերծել։ Վրացական համարանիշը նախատեսված է Վրաստանի տարածքում մեքենա վարելու համար, Հայաստանում պետք է ունենալ հայկական համարանիշ: Այս մասին այսօր՝ սեպտեմբերի 7-ին, լրագրողների հետ ճեպազրույցում ասաց ՊԵԿ նախագահ Ռուստամ Բադասյանը՝ խոսելով Վրաստանից առանց մաքսազերծման մեքենաներ Հայաստան բերելու ու վրացական պետհամարանիշներով դրանք վարելու դեպքերից։
Բադասյանն ընդգծեց, որ Հայաստանում վրացական պետհամարանիշներով մեքենա վարելը պետք է թույլատրվի միայն այն դեպքերում, երբ անձն իր մեքենայով Վրաստանից գալիս է Հայաստան որոշակի ժամանակով՝ օրինակ տուրիստական կամ գործնական նպատակներով։
ՊԵԿ նախագահի խոսքով՝ այս հարցում օրենսդրական փոփոխություններ անել չեն շտապում՝ նախ կլսեն քաղաքացիների դիտարկումները․ «Երբ պետությունը, ի դեմս ՊԵԿ-ի՝ դրան անմիջապես չի արձագանքում, չի ասում՝ այդ ինստիտուտը դրա համար չի, մարդիկ էլ ասում են՝ բա ո՞նց ենք 3 տարի դրանից օգտվել, հիմա ՊԵԿ-ը ասում է՝ էլ չես կարող: Դրա համար, մենք կլսենք մեր քաղաքացիներին եւ այնպիսի կարգավորումներ կընտրենք, որ միանգամից այս հարաբերությունները չխզվեն: Ես համաձայն եմ, որ ՊԵԿ-ն այստեղ մեղավորություն ունի, որովհետեւ պետք է այդ ամենին արագ արձագանքեր: Ես հիմա այդ մարդկանց հորդորում եմ՝ այդ ցայտնոտ վիճակից դուրս գան, որովհետեւ մենք ինչ որոշում էլ կայացնենք, անպայման լսելու ենք, ողջամիտ ժամկետներ ենք քննարկելու, որ իրենք ժամանակ ունենան հարմարվելու նոր վիճակին»։
Բադասյանն ընդգծեց, որ Հայաստանում վրացական պետհամարանիշներով մեքենա վարելը պետք է թույլատրվի միայն այն դեպքերում, երբ անձն իր մեքենայով Վրաստանից գալիս է Հայաստան որոշակի ժամանակով՝ օրինակ տուրիստական կամ գործնական նպատակներով։
ՊԵԿ նախագահի խոսքով՝ այս հարցում օրենսդրական փոփոխություններ անել չեն շտապում՝ նախ կլսեն քաղաքացիների դիտարկումները․ «Երբ պետությունը, ի դեմս ՊԵԿ-ի՝ դրան անմիջապես չի արձագանքում, չի ասում՝ այդ ինստիտուտը դրա համար չի, մարդիկ էլ ասում են՝ բա ո՞նց ենք 3 տարի դրանից օգտվել, հիմա ՊԵԿ-ը ասում է՝ էլ չես կարող: Դրա համար, մենք կլսենք մեր քաղաքացիներին եւ այնպիսի կարգավորումներ կընտրենք, որ միանգամից այս հարաբերությունները չխզվեն: Ես համաձայն եմ, որ ՊԵԿ-ն այստեղ մեղավորություն ունի, որովհետեւ պետք է այդ ամենին արագ արձագանքեր: Ես հիմա այդ մարդկանց հորդորում եմ՝ այդ ցայտնոտ վիճակից դուրս գան, որովհետեւ մենք ինչ որոշում էլ կայացնենք, անպայման լսելու ենք, ողջամիտ ժամկետներ ենք քննարկելու, որ իրենք ժամանակ ունենան հարմարվելու նոր վիճակին»։