Պաշտոնեական լիազորությունների չարաշահման համար մեղադրվող Արման Սահակյանին դատարանը կթույլատրի մեկնել Գերմանիա՝ բուժման նպատակով

Երեւանի ընդհանուր իրավասության դատարանի Շենգավիթ նստավայրում այսօր կայացավ Երեւանի նախկին քաղաքապետ Տարոն Մարգարյանի եւ պետական գույքի կառավարման վարչության նախկին պետ Արման Սահակյանի գործով նիստը: Երեւանի նախկին քաղաքապետն ու պետական գույքի կառավարման վարչության նախկին պետը մեղադրվում են պաշտոնեական լիազորությունների չարաշահման համար։ 

ԱԺ նախկին նախագահ Գալուստ Սահակյանի որդին՝ Արման Սահակյանը մեղադրվում է ՀՀ ՔՕ-ի 308-րդ հոդվածի 2-րդ կետով՝ պաշտոնեական լիազորությունների չարաշահման համար, ինչը առաջացրել է ծանր հետեւանքներ:

Պետական գույքի կառավարման վարչության նախկին պետ Արման Սահակյանի պաշտպանը միջնորդեց դռնփակ դատական նիստում քննել միջնորդությունը՝ թույլատրելու Արման Սահակյանին լքել Հայաստանը՝ Գերմանիայում բուժում ստանալու նպատակով: Նրան առնվազն 15 օր է անհրաժեշտ: Դատավորը նկատեց, որ հաջորդ նիստի օրը դեռ հայտնի էլ չէ եւ 15-օր հետո հաստատ չի նշանակվելու, առնվազն մեկ ամիս հետո կլինի հաջորդ նիստը, բայցի այդ, եթե Արման Սահակյանը հանրապետությունից բացակայելու է նույն առողջական խնդրով, ինչի համար, որ բացակայել էր նախաքննության փուլում, ապա որեւէ խնդիր չի առաջանա: 

Աղբյուր՝ aravot.am